(Scroll down for English)
My volgende avontuur in Suid Korea was weereens na ’n eiland aan die suide van die land. Vir hierdie spesifieke naweek is ek toe saam met ’n stapgroep na die eiland Namhae toe.
Ek het heelwat naweke saam met die stapgroep deurgebring. Dit was ’n baie gerieflike, en bekostigbare reëling. Vrydae aande het ons 23:00 bymekaar gekom en in die bus geklim. Ons het maar almal op die bus geslaap tot ons by die bestemming aankom, en dan het ons omtrent dadelik begin stap sodat ons voor sonop op die een of ander uitkyk punt kan wees. Sondae aande het ons gewoonlik skuins voor tien weer by die bushalte gestop, net betyds om die laaste moltrein huis toe te vang.
Die tog Namhae toe was geen uitsondering nie. Ons het soos gewoonte donkeroggend daar aangekom, ons padkos gekry en waterbottels gegryp en begin stap. Teen sonop was ons in ’n grot teen die hoogste berg op die eiland, en het ons ’n ongelooflike uitsig oor die eiland en strand gehad. Die res van die dag was vol avonture soos roei op die see, ontspan op die strand en frisbee speel.
So tussen die speel moes ons ook ’n plekkie in die kampterrein gaan uitsoek om ons tente op te slaan, waar ons die aand sou deurbring. Ek het die perfekte plekkie gekry waar my tent lekker onder ’n boom sou koelte kry, sodat die son my nie sou uitbak nie. Dit was ook nie vêr van die ablusieblok of hoofstrand af nie. Ek wens net ek het die verdekselse ding in die voetpad naby my tent raakgesien!
Die aand het dinge begin interessant raak met ’n groot kampvuur op die strand, ’n bietjie malvalekker-braai en, soos wat mens seker maar kan verwag, heelwat drank wat gereeld aangevul sou word. Ons was nie die enigste groep op die strand wat ’n partytjie gegooi het nie, mens kon elke paar meter nog ’n groep sien wat met identiese aktiwiteite besig was.
Teen omtrent middernag het die feestelikheid maar vir my bietjie handuitgeruk, en ek het besluit om tent toe te keer. Die kampplek was stil, en al die tente het amper leeg voorgekom. Ek het sommer vinnig ingesluimer, dit sou ’n lekker nagrus wees. Of sou dit?
Dit was omtrent twee uur die oggend wat ek wakker geskrik het. Iewers het Koreaanse musiek kliphard geblêr, en ’n paar mansstemme kon duidelik gehoor word wat dronkerig saam mompel en op al die refreine kliphard uitjil, voor hul weer terugkeer na ’n onverstaanbare mompelrige geraas. Daar was geen manier dat ek sou slaap met die geraas nie.
Ek het besluit om te gaan ondersoek instel. En dis toé dat ek die verdekselse ding raaksien. Net daar in die voetpaadjie tussen my tent en die ablusieblok was ’n buitelug blêrkas, met net 5 liedjiekeuses, maar massiewe klanktoestel. Die hele ding lyk nie op eerste oogopslag soos ’n blêrkas nie, maar net soos ’n kampterrein ornament, slegs daar vir estetiese waarde. Voor die blêrkas het 4 middeljarige Koreaanse mans hulself bevind. Hul het al 5 die liedjies deurgespeel en saam geblêr, terwyl ek als wat ek kon oor my ore druk om die marteling van hul samesang te verlig. Die manne het darem na die laaste liedjie weer tot ruste gekom.
Ek het eventueel weer aan die slaap geraak en het nou net gehoop dat niemand anders die ware funksie van die ornament ontdek nie. Tevergeefs! Dit was net na sonop, of so het dit gevoel, dat ’n klompie jong kinders ’n speletjie daarvan gemaak het om ’n liedjie te kies en dan weg te hardloop en weg te kruip, totdat die liedjie verby is en hul weer die knoppie kon druk.
Slaaptyd was amptelik verby, met die kombinasie van dié geraas, die son wat uitkom en ander kampeerders wat ook begin rondskarrel, sou ek definitief nie weer aan die slaap raak nie. Ek het maar voor die strandkafeetjie gaan sit en die een koffie na die ander ingeryg terwyl ek vir die lae brandertjies kyk en probeer beter voel oor my min slaap. Ek het ook maar ’n roomys vir ontbyt geëet.
Sondag het ons toerleier besluit om ons na ’n baie spesiale fees te neem. Namhae eiland se ekonomie is hoofsaaklik afhanklik van toerisme en landbou. Waarvoor hul die bekendste is, is inderdaad knoffel, dus hou hul die jaarlikse Namhae Knoffel Fees. Nou as jy dit nog nie kon raai nie, knoffel is ’n groot ding! Dis nie net sommer ’n geurmiddel vir hierdie mense nie. Daar is ’n spesiale knoffel navorsingseenheid opgerig op die eiland, en dit was juis waar die fees gehou is. Daar was allerhande knoffelary beskikbaar; van die gewone gedroogde knoffel, gekerfde knoffel en knoffel poeier, tot uitstallings van knoffel rangskikings en kinderkuns rondom die knoffel tema, tot knoffel tee, knoffel soda, knoffel jellie en knoffel in sjokolade. Bisar! Ek het net gehoop dat iemand nie ’n bondel gedroogde knoffel in ons bus wou terugneem Seoul toe nie.
_________________________________________________________________________________
 |
| Die Grot / The Cave |
 |
| 'n Tempel naby die grot / A temple near the cave |
_________________________________________________________________________________
My next adventure in South Korea was also to an island in the south of the country. This specific weekend I went with a hiking group to Namhae island.
I actually spent plenty of weekends with the hiking group. It was a convenient, and affordable way to travel. We would meet at the pick-up point at 11pm on Friday nights, and board a bus. We would sleep on the bus, and arrive at our destination early the next morning, and almost immediately start hiking up to some kind of vantage point for sunrise. Then on Sundays we would get back to the city just in time to catch the last subway back home.
The trip to Namhae was no exception. As was the tradition we arrived in Namhae before sunrise, got some snacks, grabbed our water bottles, and started our ascent. By sunrise we had arrived at a cave in the highest mountain on the island. It had an amazing view of the island and coast. The rest of the day was spent kayaking, relaxing on the beach and playing ultimate frisbee.
In our free time we also had to find a spot in the campsite to put up our tents for the night. I thought I had found the perfect spot, conveniently located in the shade of a big pine tree, relatively close to the ablution block, and not far from the main beach. I just wish I had taken notice of the darn feature installed in the footpath near my tent.
That evening we had a big bonfire on the beach, and things started to get interesting with all the bottles of beer and cheep wine and spirits making their way to the party, stock never seemed to run out, as people made top-up runs to the convenience store frequently. We weren’t the only group on the beach either, and every few meters a group of people could be found busy with similar activities. Pretty soon all these parties and groups started spilling into each other and it became one big drunken nest.
At about midnight it became an uncomfortable gathering, with open fires, drunk people, egos fueled by alcohol, etc. and I decided to make my way to my tent. The camp site was quiet, and all the tents almost seemed deserted. In bed by a decent-ish hour, I almost immediately dozed off. Surely I would be well rested the next morning, or would I?
It was about 2am when I woke up in shock. Somewhere a Korean song was blaring out loudly, and some men could be heard drunkenly mumbling with to the tune, belching out the choruses, before returning to drunken muttering. There was no way I would be able to sleep in this racket.
I decided to investigate, and that’s when I so the damn thing! Halfway between my tent and the ablution block, the feature surrounded by the four middle-aged Korean men, turned out to be an outdoor Jukebox. It only had a choice of 5 songs, but boy did it have volume. The whole thing didn’t look like a Jukebox at first glance, it simply looked like a campsite decorative feature. The 4 men played all five songs, and sang along as loudly as they could, while I tried my best to block the tormenting sound from my ears and get back to sleep. After the last song finished it got quiet again and I could try to sleep again.
Eventually I managed to fall asleep, and would manage to sleep in a little if no-one else discovered the true purpose of the decorative campsite ornament. But that was perhaps too naïve a hope. It must’ve been right after sunrise when a couple of mischievous children started playing a game of press the button and go hide, just to repeat the game after the song had finished.
It was evident that there was no more sleep to be had, with a combination of the noise from the boombox, the sun brightly shining into my tent, and the other campers starting to scurry about, I would definitely not have been able to fall asleep again. I went and sat on a plastic chair by a plastic table in front of the convenience store next to the beach, drinking the one convenience store instant coffee after the other, looking into the small waves, and trying to cheer myself up despite the lack of sleep. I also ate an ice cream sandwich for breakfast that morning, because I needed all the help I could get to seem alive. Not a happy camper!
On Sunday our trip leader decided to spoil us by taking us to a very special festival. Economically Namhae Island depends on tourism and agriculture. In fact, its most famous produce is none other than - garlic. For that reason they also annually host the Namhae Garlic Festival. Now if you haven’t guessed it yet, garlic is a big deal! There is a special garlic research centre on the island, and that is exactly where the festival was held. One could find the usual garlic fare, like dried garlic, crushed garlic and garlic flakes; the more unusual products like garlic tea, garlic soda, garlic jellies, and chocolate covered garlic; and then there were also the really bizarre garlic bouquets and arrangements, garlic photo benches and children's garlic themed artworks. I just hoped that no one wanted to take a bundle of tried garlic on the bus with us back to Seoul.
No comments:
Post a Comment